Mirerelo ni mixankiho sa mwapomphe ni ikamothiwa sa koronaviru

 Mirerelo ni mixankiho sa mwapomphe ni ikamothiwa sa koronaviru

Mulepi: Maurícia Maurício

Miyo Maurícia kinnona wi eretta ela ya koviti-19 khere onikutakutha, ilapo sothene sa olumwenku yola. Mwapomphe a koronaviru, onruha manyakunyaku mmawani, okhala wira khuvo mutthu onsuwelaxa etthu xeni ekelayo oruha. Masi miyo kinnona wi onoruha nroromelo murohoni mwatthu, onovukula manummuru atthu antxene arina eretta yela, nnamwi iriwaka wi khonrowa ovoniha eretthane yela, masi onrowa wavarelela atthu wi ahiphwanyetho. Kinnupuwela wira nakela ophwanyihiwa mwapomphene yolola, khaninkela ohiya owara eputtelo, nnakhala onyawa ni masi ni etthurwa wala esaphawu.

Atthu antxene anihimya wi mwapomphe yolola onruheliwa wi nehereriwe, akinaku anihimya wira nimphavela oravihiwa iretta sikinaku, ni akina tho anhimya wira, mwapomphe ola, nakoso ompakiwa ni aholeli a elapo ahu yela y' omosampikhi wira etepeke ophwanya musurukhu alyeke n’anaya.